Mae'r datganiad hygyrchedd hwn yn berthnasol i'r gwasanaeth DataFferm+, sydd ar gael yn:
https://datafferm.cyswlltffermio.llyw.cymru/
Mae DataFferm+ yn cael ei weithredu gan raglen Cyswllt Ffermio Llywodraeth Cymru. Rydym am i gynifer o bobl â phosibl allu defnyddio'r wefan hon. Er enghraifft, mae hynny'n golygu y dylech allu:
- newid lliwiau, lefelau cyferbynnedd a ffontiau
- chwyddo’r testun hyd at 400% heb i’r testun orlifo oddi ar y sgrin
gwe-lywio’r rhan fwyaf o'r wefan gan ddefnyddio bysellfwrdd yn unig
- gwe-lywio’r rhan fwyaf o'r wefan gan ddefnyddio meddalwedd adnabod llais
- defnyddio'r rhan fwyaf o'r wefan gan ddefnyddio rhaglen darllen sgrin (gan gynnwys y fersiynau diweddaraf o JAWS, NVDA a VoiceOver)
Rydym hefyd wedi sicrhau bod testun y wefan mor syml â phosib i’w ddeall.
Mae cyngor ar gael gan AbilityNet ynghylch gwneud eich dyfais yn haws i’w defnyddio os oes gennych chi anabledd.
Hygyrchedd y wefan hon
Rydym yn gwybod nad yw pob rhan o’r wefan hon yn gwbl hygyrch eto:
- Mae nifer fach o gysylltiadau yn parhau heb nodweddion ‘href’ dilys, sy'n effeithio ar we-lywio ar gyfer rhai technolegau cynorthwyol.
- Roedd rhai tudalennau yn cynnwys penawdau a oedd wedi’u nythu’n anghywir yn flaenorol, a allai fod yn ddryslyd i ddefnyddwyr sy'n gwe-lywio gan ddefnyddio rhaglen darllen sgrin.
- Nid oedd gan nifer fach o reolaethau ffurflenni labeli unigryw (e.e. botymau "Rheoli" ar gyfer cofnodion DPA), sy’n ei gwneud yn anodd i dechnolegau cynorthwyol eu dehongli.
Adborth a gwybodaeth gyswllt
Os ydych chi'n dod o hyd i unrhyw broblemau hygyrchedd nad ydynt wedi'u rhestru ar y dudalen hon, neu os oes angen gwybodaeth arnoch mewn fformat arall (fel PDF hygyrch, print bras, sain, neu braille), cysylltwch â’r canlynol:
- E-bost: cymorth@mentera.cymru
- Rhif ffôn: 03456 000 813
Byddwn yn ystyried eich cais ac yn cysylltu â chi cyn pen 5 diwrnod gwaith.
Gweithdrefn gorfodi
Y Comisiwn Cydraddoldeb a Hawliau Dynol (EHRC) sy’n gyfrifol am orfodi Rheoliadau Hygyrchedd Cyrff y Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018 (y ‘rheoliadau hygyrchedd’). Os ydych yn anhapus â’r ffordd rydym yn ymateb i’ch cwyn, cysylltwch â’r Gwasanaeth Cynghori a Chefnogi Cydraddoldeb (EASS).
Gwybodaeth dechnegol am hygyrchedd y wefan hon
Mae Cyswllt Ffermio wedi ymrwymo i wneud ei wefan yn hygyrch, yn unol â Rheoliadau Hygyrchedd Cyrff Sector Cyhoeddus (Gwefannau ac Apiau Symudol) (Rhif 2) 2018.
Statws cydymffurfio
Mae'r wefan hon yn cydymffurfio'n rhannol â safon AA y Canllawiau Hygyrchedd Cynnwys Gwe fersiwn 2.2, yn sgil yr hyn nad yw’n cydymffurfio â nhw sydd wedi’u rhestru isod.
Cynnwys nad yw’n hygyrch
Nid yw’r cynnwys a restrir isod yn hygyrch am y rhesymau canlynol:
Gwerthoedd dolenni annilys neu ddolenni coll
Doedd rhai dolenni ddim yn cynnwys gwerthoedd ‘href’ dilys. Gall hyn achosi anawsterau i ddefnyddwyr technolegau cynorthwyol, am efallai na fydd dolenni yn cael eu cyhoeddi neu’n ymddwyn yn ôl y disgwyl. Mae hyn yn methu meini prawf llwyddiant WCAG 2.2 AA 4.1.2 (Enw, Rôl, Gwerth).
Mae nifer fach o fân achosion yn parhau, a byddant yn cael eu datrys erbyn 10 Mawrth 2026.
Diffyg cydymffurfio â'r rheoliadau hygyrchedd
Priodweddau ARIA anghywir neu ddiangen
Roedd rhai tudalennau’n cynnwys priodoleddau ARIA diangen lle nad oedd y gwerth ‘aria-describedby’ yn cyfateb i ID elfen. Gall hyn arwain at ddarparu gwybodaeth anghywir neu ddryslyd i dechnolegau cynorthwyol. Mae hyn yn methu meini prawf llwyddiant WCAG 2.2 AA 1.3.1 (Gwybodaeth a Pherthnasoedd).
Gwnaethom drwsio'r holl achosion a nodwyd ar 27 Chwefror 2026.
Roedd y tudalennau yr effeithiwyd arnynt yn cynnwys:
- /menter/442/3/golygu
- /menter/444/3/golygu[HL3]
Labeli rheoli ffurflenni nad oeddent yn unigryw
Nid oedd rhai botymau "Rheoli" ar gyfer cofnodion DAP yn darparu digon o gyd-destun i'w gwahaniaethu oddi wrth ei gilydd. Roedd hyn yn ei gwneud hi'n anoddach i ddefnyddwyr rhaglen darllen sgrin ddeall pwrpas pob rheolaeth. Mae hyn yn methu meini prawf llwyddiant WCAG 2.2 AA 2.4.6 (Penawdau a Labeli).
Gwnaethom drwsio'r broblem hon ar 27 Chwefror 2026 trwy ychwanegu testun disgrifiadol a oedd wedi’i guddio’n weledol, er enghraifft "Manage Sow replacement rate%".
Roedd y dudalen yr effeithiwyd arnynt yn cynnwys:
- /9238492384
Strwythur penawdau anghywir
Cafodd rhai penawdau gwe-lywio eu marcio fel elfennau <h2>, a oedd yn ymddangos cyn yr <h1> yn strwythur y dudalen. Creodd hyn hierarchaeth penawdau anghywir, a all wneud strwythur tudalen yn anoddach i ddefnyddwyr rhaglen darllen sgrin ei ddeall. Mae hyn yn methu meini prawf llwyddiant WCAG 2.2 AA 1.3.1 (Gwybodaeth a Pherthnasoedd).
Gwnaethom drwsio'r broblem hon ar 27 Chwefror 2026 trwy ddileu'r elfennau <h2> diangen.
Baich anghymesur
Nid ydym yn honni unrhyw faterion fel baich anghymesur ar hyn o bryd.
Yr hyn rydym ni'n ei wneud i wella hygyrchedd
Byddwn yn parhau i adolygu DataFferm+ wrth i nodweddion newydd gael eu hychwanegu. Bydd gweddill y gwaith atgyweirio dolenni’n cael ei gwblhau cyn lansio, a bydd archwiliadau cyfnodol yn parhau fel rhan o ymrwymiadau hygyrchedd digidol Cyswllt Ffermio.
Paratoi'r datganiad hygyrchedd hwn
Paratowyd y datganiad hwn ar 5 Mawrth 2026. Fe'i hadolygwyd diwethaf ar 5 Mawrth 2026.
Profwyd y wefan hon ddiwethaf ar 27 Chwefror 2026. Cynhaliwyd y prawf gan S8080.
Ar 27 Chwefror 2026, defnyddiodd S8080 Total Validator i sganio dros 151 o'n tudalennau am gydymffurfiaeth â lefel A ac AA y Canllawiau Hygyrchedd Cynnwys y We Fersiwn 2.2. Roedd y sgan yn cynnwys cyfuniad o dudalennau craidd, templedi a ddefnyddir yn gyffredin a thempledi cymhleth.
Gwnaethom brofi prif blatfform ein gwefan, sydd ar gael yn https://datafferm.cyswlltffermio.llyw.cymru/